Princesha e Uellsit, Kate Middleton, ka paralajmëruar se përdorimi i tepërt i telefonave inteligjentë dhe kompjuterëve po shkakton një “epidemi shkëputjeje” që dëmton jetën familjare. Në një ese të përbashkët me profesorin e Harvardit, Robert Voldinger, ajo theksoi se pajisjet digjitale, në vend që të na afrojnë, shpesh na largojnë nga njëri-tjetri dhe prishin kohën e vlefshme që kalojmë me familjen.
“Sot jemi fizikisht të pranishëm, por mendërisht të munguar,” shkruan Kate, duke nënvizuar se teknologjia po dëmton aftësinë tonë për të komunikuar me përkushtim me njerëzit përreth. Në esenë e publikuar në faqen e Fondacionit Mbretëror për Fëmijërinë e Hershme, ajo thekson se fëmijët që rriten në një botë të mbushur me ekrane janë veçanërisht të rrezikuar dhe u bën thirrje prindërve t’i inkurajojnë të zhvillojnë aftësi sociale e emocionale që do t’i ndihmojnë gjatë gjithë jetës.