Johnny Depp ka zbuluar se një nga pendimet më të mëdha në karrierën e tij është fakti që nuk pranoi të luante rolin e Hamletit, pavarësisht këshillës së legjendës së kinemasë Marlon Brando. Aktori tregoi se në atë kohë nuk ishte i bindur për këtë rol, duke e konsideruar disi “klishe”, por sot e sheh si një mundësi të humbur që nuk do të rikthehet më.
Gjatë karrierës së tij, Depp ka zgjedhur shpesh role të veçanta dhe bashkëpunime me regjisorë si Tim Burton, duke u bërë ikonë me personazhe si Jack Sparrow në “Pirates of the Caribbean”. Megjithatë, ai pranon se roli i Hamletit mbetet një nga ato mundësi që i kanë mbetur peng, sidomos pasi kjo figurë klasike zakonisht i besohet aktorëve më të rinj.