Testamenti i legjendës së Hollivudit, John Wayne, tërhoqi vëmendje pas vdekjes së tij në vitin 1979. Ndërsa fëmijët përfituan nga trashëgimia, aktori përjashtoi shprehimisht Donald LaCava-n, bashkëshortin e vajzës së tij të madhe, Toni. Sipas raportimit të N1, ai vendosi që dhëndri të mos përfitonte as nga pjesa e trashëgimisë së saj, nëse ajo do të ndërronte jetë përpara tij.
Familja nuk e bëri publik arsyetimin, por biografitë e aktorit e lidhin marrëdhënien e tensionuar me investimet e pasuksesshme të LaCava-s, i cili kishte administruar financat e tij. Wayne la pas një pasuri të vlerësuar në 6,85 milionë dollarë. Në testament nuk përfitoi as bashkëshortja e tretë, Pilar Pallete, me të cilën ishte ndarë në vitin 1973; sipas raportimit, ajo kishte marrë një kompensim të parashikuar në marrëveshjen e ndarjes.