Jennifer Aniston ka bërë një homazh prekës për regjisorin legjendar James Burrows, duke e cilësuar atë si një figurë atërore që e ka mbështetur gjatë gjithë karrierës së saj.
Gjatë një ceremonie ku Burrows u nderua për kontributin e tij në televizion, Aniston foli me emocion për ndikimin që ai ka pasur në jetën e saj profesionale dhe personale. Aktorja tha se regjisori i njohur i serialit “Friends” ka qenë pranë saj në disa nga momentet më të rëndësishme të jetës.
“Ai më ka mbajtur pranë gjatë kohëve më të vështira dhe gjatë kohëve më të bukura”, u shpreh Aniston, duke falënderuar Burrows për mbështetjen dhe besimin që i ka dhënë ndër vite.
James Burrows konsiderohet një nga regjisorët më të suksesshëm në historinë e televizionit amerikan. Ai ka drejtuar episode të serialeve ikonike si “Cheers, Will & Grace” dhe “Friends”, ku ndihmoi në formësimin e një prej komedive më të suksesshme të të gjitha kohërave.
Aniston kujtoi se Burrows ishte ndër personat e parë që besoi tek ajo kur ishte ende në fillimet e karrierës. Sipas saj, ai jo vetëm që e ndihmoi profesionalisht, por u bë edhe një mik i afërt dhe një burim frymëzimi.
Homazhi i aktores u prit me duartrokitje nga të pranishmit, ndërsa shumë prej kolegëve të saj ndanë kujtime të ngjashme për regjisorin, i cili ka ndikuar në karrierat e brezave të tërë aktorësh dhe krijuesish televizivë.