Në Holandë është zbuluar një rritje shqetësuese e rasteve të inflamacionit të mushkërive te fëmijët, një gjë që reflekton rritjen e ngjashme si në Kinë, shkruan Daily Mail.
Ekspertët e shëndetit holandez thonë se kryesisht përfshihen persona në moshën nga pesë deri në 14 vjeç. Të dhënat tregojnë se shifrat e sëmundjes, e cila mund të jetë e rrezikshme për jetën, tani janë gati dyfishuar krahasuar me pikun e regjistruar vitin e kaluar.
Ky lajm vjen në të njëjtën kohë kur Kina po lufton me një ‘rritje të mistershme‘ të numrit të rasteve të inflamacionit të mushkërive, dhe mediat raportojnë se spitalet janë ‘të mbushura me fëmijë të sëmurë‘.
Video që kujtojnë skena nga ditët më të errëta të Covid-19 tregojnë punonjës shëndetësorë të veshur me rroba mbrojtëse, dorëza dhe maska duke shpërndarë dezinfektues në shkolla, korridore, por edhe në hapësirat e hapura.
Zyrtarët në Pekin thonë se fajtori për këtë situatë nuk është një virus i ri, por pretendojnë se rritja është rezultat i një vale sëmundjesh sezonalë që është më e fuqishme se zakonisht, duke marrë parasysh se vendi po përballet me dimrin e parë pa kufizimet e Covid-19.
Ne Holande 103 femije te moshes nga pesë deri në 14 vjeç nga gjithsejt 100 000 jane diagnostifikuar me inflamacion te mushkerive.