Instituti Kombëtar i Shëndetësisë Publike (IKSHPK) ka bërë thirrje që qytetarët të kenë kujdes nga temperaturat e larta, me ç’rast ka dhënë edhe disa këshilla për t’u mbrojtur nga vapa që po mbizotëron në vend.
“Pini ujë rregullisht për të qëndruar të hidratuar, përdorni syze dielli me mbrojte UV, vendosni krem mbrojtës kundër diellit, Vishni rroba të lehta dhe mbani kapelë”, thuhet në njoftim.
Po ashtu, Instituti ka theksuar që të qëndroni në hije dhe shmangni ekspozimin nga dielli nga ora 11:00 deri në 17:00 dhe të mos lini fëmijët apo kafshët në automjete të parkuara.