Pas muajsh spekulimesh, Hugh Jackman dhe Sutton Foster më në fund kanë konfirmuar publikisht lidhjen e tyre. Aktori 56-vjeçar dhe ylli i Broadway-it, 49 vjeç, u fotografuan të kapur për dore teksa shkonin për darkë në një restorant në Santa Monica, duke mos ngurruar të buzëqeshnin përpara paparacëve dhe duke treguar hapur dashurinë e tyre.
Spekulimet për këtë lidhje nisën që pas ndarjes së Hugh nga bashkëshortja e tij, Deborah Lee Furness, në shtator 2023, pas 27 viteve martesë. Në tetor të po atij viti, edhe Sutton kërkoi divorcin nga bashkëshorti i saj, Ted Griffin, pas 10 viteve martesë.
Jackman dhe Foster janë njohur prej vitit 2020 gjatë bashkëpunimit të tyre në muzikalin “The Music Man” në Broadway, ku performuan së bashku deri në janar 2023. Megjithatë, çifti vendosi të mos e bëjë publike lidhjen e tyre deri tani.