Filmi i ri kriminalistik “Unabomber”, i frymëzuar nga historia e vërtetë e Ted Kaczynski-t, është ngjitur në vendin e parë global në Netflix. Pas premierës më 25 shtator, filmi regjistroi 16.4 milionë shikime vetëm gjatë javës së parë, edhe pse ishte në dispozicion vetëm për një pjesë të saj.
Historia zhvillohet në dy periudha. E para ndjek Kaczynski-n si një gjeni 16-vjeçar të matematikës në Harvard, ku përfshihet në eksperimentet psikologjike kontroverse të profesorit Henry Murray. Filmi më pas paraqet radikalizimin e tij dhe rrugën drejt shndërrimit në Unabomber, përgjegjës për një fushatë shumëvjeçare sulmesh me bomba që vrau tre persona dhe plagosi 23 të tjerë.
Në linjën tjetër kohore ndiqet hetimi që çoi në kapjen e tij. Jacob Tremblay luan Kaczynski-n e ri, Shailene Woodley një agjente fiktive të FBI-së, ndërsa Russell Crowe interpreton profesorin Henry Murray. Regjinë e ka Janus Metz.