Heidi Klum ka festuar përvjetorin e shtatë të martesës me bashkëshortin e saj, Tom Kaulitz, duke ndarë në Instagram një video të papublikuar më parë nga dita e dasmës së tyre luksoze në Capri të Italisë. Pamjet tregojnë çiftin duke kaluar momente romantike në jahtin historik “Christina O”, ndërsa në sfond dëgjohet kënga “Chateau” e grupit Tokio Hotel, ku Tom është kitarist.
Heidi dhe Tom u martuan fillimisht në një ceremoni private në shkurt të vitit 2019, ndërsa disa muaj më vonë organizuan një festë madhështore në Itali me familjarë dhe miq të afërt. Në intervista të mëparshme, modelja ka thënë se Tom e ka bërë të ndihet më e lumtur dhe më e balancuar se kurrë, duke e cilësuar marrëdhënien e tyre si një partneritet të bazuar në dashuri, mirëkuptim dhe mbështetje të ndërsjellë.