Aktori Tom Hanks ka ndarë një mesazh prekës në nderim të astronautit të misionit “Apollo 13”, James Lovell, i cili u nda nga jeta në moshën 97-vjeçare. Hanks, që e portretizoi Lovell-in në filmin e vitit 1995 Apollo 13, e përshkroi atë si një njeri që guxonte, ëndërronte dhe udhëhiqte të tjerët drejt vendeve ku nuk do të shkonin vetë.
“Udhëtimet e tij nuk u bënë për pasuri apo famë, por sepse sfida të tilla e ushqejnë jetën,” shkroi Hanks, duke kujtuar misionet e tij përreth Tokës dhe drejt Hënës. Ai e mbylli mesazhin me fjalët: “Në këtë natë me hënë të plotë, ai udhëton drejt yjeve. Godspeed, Jim Lovell.”