Gjykata në Los Anxhelos ka kufizuar përkohësisht takimet e Halle Berry me djalin e saj 12-vjeçar, Maceo, pas akuzave për dhunë fizike të paraqitura nga ish-bashkëshorti, Olivier Martinez. Sipas raportimit të People, gjykata miratoi një urdhër të përkohshëm mbrojtjeje më 1 tetor. Avokatja e aktores i ka kundërshtuar akuzat, duke i cilësuar si të pabazuara dhe qëllimisht çorientuese.
Martinez kishte kërkuar ndalimin e plotë të kontaktit mes nënës dhe djalit, por gjykata nuk e pranoi këtë kërkesë. Sipas burimit Berry mund ta takojë të birin të hënën, të martën, të shtunën dhe të dielën, nga ora 10:00 deri në 20:00. Gjykata refuzoi edhe kërkesën për monitorimin e saj lidhur me konsumimin e alkoolit, për mungesë informacioni të mjaftueshëm që do ta justifikonte këtë masë.
Përfaqësuesit ligjorë të Martinez thonë se prioriteti i tij është siguria dhe mirëqenia e fëmijës. Ndërkohë, avokatja e Berry thekson se aktorja mbetet e përkushtuar ndaj interesave dhe mbështetjes së të birit.
Vendimi është i përkohshëm dhe nuk përbën një përcaktim përfundimtar mbi akuzat. Seanca e radhës është caktuar për 16 tetor, kur gjykata do të shqyrtojë më tej çështjen. people.com