Hailey Bieber është lodhur nga narrativat dhe thashethemet e pavërteta që qarkullojnë për të online dhe po shqyrton mundësinë e ndërmarrjes së hapave ligjorë për herë të parë. Burime pranë saj thanë se një nga pretendimet më të fundit e paraqet atë si një ngacmuese dhe përndjekëse, gjë që Hailey e konsideron shpifje dhe dezinformim të pastër.
Ajo është veçanërisht e shqetësuar për një seri videosh në YouTube, ku pretendohet se ka ndjekur Justin Bieber dhe ka përdorur lidhjet e saj për ta bërë atë burrin e saj. Duke qenë tani një nënë, Hailey nuk dëshiron më të injorojë këto akuza dhe ka kontaktuar avokaten Lisa Moore, e cila ndihmoi Cardi B të fitonte një gjyq për shpifje me vlerë 4 milionë dollarë. Nëse vendos të ndjekë rrugën ligjore, Hailey synon të ndalojë përhapjen e dezinformatave që dëmtojnë imazhin e saj.
