Aktori i njohur George Clooney, gjatë promovimit të filmit të tij të ri “Jay Kelly” në Los Angeles, ndau me mediat kujtime nga fillimet e karrierës, kur punonte si shofer personal i tezes së tij, këngëtares së famshme Rosemary Clooney.
“Gjithmonë isha në udhëtime. E ngisja tezen time Rosemary gjatë koncerteve të saj. Nuk e njihja shumë kur isha më i ri, sepse unë jetoja në Kentucky, ndërsa ajo ishte ‘tezja nga Hollywood-i’. Kur erdha të provoj fatin tim, u bëra shoferi i saj,” tregoi aktori.
Clooney shtoi se gjatë asaj periudhe kishte vozitur edhe artistë të tjerë legjendarë, si Tony Bennett, dhe se ajo përvojë i mësoi shumë për suksesin, dështimin dhe mënyrën si të përballesh me to. “Ishte një mësim i vlefshëm për jetën,” theksoi ai.