Një robot humanoid i zhvilluar në SHBA ka treguar aftësi të reja mbresëlënëse ai mund të rregullojë vetë një dhomë të ndenjjes pa ndihmë njerëzore. Në demonstrimin e fundit të kompanisë Figure AI, roboti pastroi dhe organizoi hapësirën pothuajse si një njeri.
Roboti përdor sistemin Helix 02, i cili i mundëson të kuptojë ambientin përreth, të planifikojë veprimet dhe të kryejë detyra në mënyrë autonome. Gjatë demonstrimit ai spërkati tavolinën me pastrues, e fshiu me një leckë dhe më pas e hodhi leckën mbi shpatull për të liruar duart për detyrën tjetër.
Ai gjithashtu mblodhi lodrat nga tavolina dhe sofa, i vendosi në koshin e mbeturinave, e ngriti koshin me të dyja duart dhe e vendosi në një vend tjetër. Më pas rregulloi jastëkët në sofa dhe e fiku televizorin me telekomandë.
Roboti lëvizte me saktësi edhe në hapësira të ngushta, duke treguar se mund të kuptojë ambientin, të manipulojë objekte dhe të planifikojë hapat e ardhshëm.
Kjo teknologji tregon se në të ardhmen robotët humanoidë mund të ndihmojnë në punët e përditshme të shtëpisë, jo vetëm në fabrika.