Filmi Fjord i regjisorit rumun Cristian Mungiu ka fituar çmimin prestigjioz “Palma e Artë” në edicionin e 79-të të Cannes Film Festival. Kjo është hera e dytë që Mungiu fiton çmimin më të madh në Kanë, pas suksesit të filmit 4 Months, 3 Weeks and 2 Days në vitin 2007.
Çmimi “Grand Prix” iu dha filmit Minotaur të regjisorit rus në ekzil Andrey Zvyagintsev, ndërsa çmimin e jurisë e fitoi The Dreamed Adventure. Për regjinë më të mirë u vlerësuan Javier Calvo dhe Javier Ambrossi për filmin “The Black Ball”, si dhe Paweł Pawlikowski për “Fatherland”.
Në kategoritë e aktrimit, çmimin për aktoren më të mirë e fituan Virginie Efira dhe Tao Okamoto për filmin “All of a Sudden”, ndërsa aktorët më të mirë u shpallën Valentin Campagne dhe Emmanuel Macchia për filmin “Coward”.
Juria e këtij viti u drejtua nga regjisori koreano-jugor Park Chan-wook, ndërsa pjesë e saj ishin edhe aktorja Demi Moore dhe regjisorja Chloé Zhao.