Në Prishtinë është hapur edicioni i dytë i Festivalit dhe Panairit të Librit për Fëmijë. Në sheshin “Zahir Pajaziti”, ky panair do të qëndrojë i hapur për pesë ditë, duke ofruar një sërë aktivitetesh për lexuesit e vegjël dhe të rinj.
Fëmijët patën mundësinë të kënaqen me vallëzim, këngë dhe aktivitete zbavitëse gjatë ceremonisë hapëse, ndërsa stendat e mbushura me libra i ftuan të eksplorojnë tituj të rinj e të njohur, veçanërisht të përshtatur për ta.
Gjatë ditëve të festivalit, vizitorët do të kenë mundësi të shijojnë takime me autorë të njohur, aktivitete të larmishme edukative dhe argëtuese, si dhe lexime të hapura, performanca teatrore e muzikore. Për më tepër, punëtori krijuese dhe takime me ilustrues të librave do të jenë pjesë e programit, duke e bërë këtë event një përvojë të pasur kulturore për fëmijët.
Ky festival, që do të zgjasë deri më 6 tetor, është organizuar nga organizata ETEA dhe biblioteka “Hivzi Sulejmani”. Ceremonia e hapjes u moderua nga Amira Ҫitaku, moderatorja e programit “Klubi i Fëmijëve” në Radio Vala Rinore, duke sjellë një atmosferë të ngrohtë dhe mikpritëse për të gjithë të pranishmit.
https://www.facebook.com/stories/100194102339933/UzpfSVNDOjE1MDkyMTE0MjMwNDQwMzk=/?view_single=1
