Ndërsa shumica e njerëzve mbështeten te alarmi për t’u zgjuar, disa kanë aftësinë të zgjohen saktësisht në kohën e duhur, pa ndihmën e tij. Ky fenomen, i njohur si “zgjimi i saktë”, është një mister për shkencëtarët e gjumit.
Sipas ekspertit Robert Stickgold, disa njerëz mund të zgjohen vetëm një minutë para se alarmi të bjerë, madje edhe kur ndryshojnë orarin e zgjimit. Profesor Jan Born nga Universiteti i Tübingenit kreu një studim ku ndau pjesëmarrësit në dy grupe: një grup u njoftua se do të zgjohej në orën 06:00 dhe tjetri në orën 09:00. Grupi i parë u zgjua saktësisht në 06:00, pavarësisht se nuk ishin të përgatitur për një zgjim të hershëm.
Studimi tregoi se trupi nis të prodhojë hormone zgjimi rreth një orë para kohës së përcaktuar, si një lloj parashikimi i brendshëm. Edhe pse mekanizmi i saktë mbetet një mister, shkencëtarët besojnë se truri ka një sistem të integruar, që mund të programohet për të ndikuar në ciklin e gjumit dhe zgjimit.