Kafeneja historike La Fleur en Papier Doré (Kadifa e Artë nga Letra) në Bruksel është shpallur kafeneja më e mirë në Evropë.
E vlerësuar me një notë gati të përsosur 9.7 nga 10, kjo kafene ka një histori të pasur kulturore dhe artistike. Ajo ka qenë një vend takimi për figurat më të rëndësishme të artit belg, si René Magritte, Marcel Mariën dhe Pierre Alechinsky.
Atmosfera e saj unike, e zbukuruar me vepra arti të frymëzuara nga mesjeta dhe motive floreale, ka luajtur një rol kyç në vlerësimin e saj.
Përveç stilit dhe ambientit historik, një tjetër faktor kyç i suksesit të saj është zgjedhja e gjerë e birrave lokale dhe rajonale, të ofruara me çmime të arsyeshme.
Që nga viti 1997, ndërtesa dhe fasada e kafenesë janë shpallur monument i mbrojtur kulturor nga autoritetet e Brukselit, duke i dhënë një status të veçantë në historinë dhe identitetin artistik të qytetit.