Ryan Gosling zyrtarisht i bashkohet Universit Kinematografik të Marvel-it. Aktori i njohur do të interpretojë Ghost Rider në filmin e ri solo të personazhit, i cili u prezantua gjatë panelit të Marvel Studios në San Diego Comic-Con 2026.
Lajmi i jep fund muajve të spekulimeve, ndërsa vetë Gosling u shpreh se Ghost Rider është një personazh që ka dashur ta luajë prej kohësh. Filmi do të drejtohet nga Shawn Levy, regjisori i “Deadpool & Wolverine” dhe bashkëpunëtori i tij në “Star Wars: Starfighter”, ndërsa premiera është planifikuar për vitin 2028.
Marvel ende nuk ka zbuluar zyrtarisht se cilin version të Ghost Rider do të mishërojë Gosling, megjithëse shumë fansa besojnë se bëhet fjalë për Johnny Blaze, personazhin më të njohur që më parë u interpretua nga Nicolas Cage.
Njoftimi ishte një nga surprizat më të mëdha të Comic-Con-it, ku Marvel prezantoi edhe projektet e ardhshme si “Black Panther III” dhe pamje të reja nga “Avengers: Doomsday”, duke sinjalizuar një fazë të re për MCU-në.