Emma Stone ka zbuluar së fundmi se dëshiron të thirret me emrin e saj të vërtetë, Emily Jean Stone. Gjatë një konference për shtyp në Festivalin e Filmit në Kanë, një gazetare e thirri pikërisht me këtë emër.
Në konferencën për filmin “Kinds of Kindness,” gazetarja iu drejtua me emrin e saj të vërtetë dhe Emma reagoi: “Unë quhem Emily, faleminderit.” Ajo shtoi, “Shumë bukur,” me një buzëqeshje të madhe në fytyrë, dhe një video e reagimit të saj filloi të shpërndahej në rrjetet sociale.
Komentet nga fansat ishin të shumta dhe pozitive: “Buzëqeshja e saj i thotë të gjitha,” “E adhuroj,” dhe “Nëse e takoj ndonjëherë, do ta quaj Emily.”