Slim Shady tani është zyrtarisht “Grandpa Shady”! Hailie Jade, vajza e reperit të njohur Eminem, ka sjellë në jetë fëmijën e saj të parë. Ajo ndau lajmin në Instagram, duke postuar disa foto të të voglit të quajtur Elliot Marshall McClintock, i lindur më 14 mars. “Gëzuar datëlindjen e parashikuar // 3 javë në Tokë, vogëlushi E,” shkroi Hailie në përshkrim.
Hailie është një influencuese mjaft e ndjekur dhe vajza biologjike e Eminem nga martesa me Kim Scott. Ajo është martuar me Evan McClintock në maj të vitit të kaluar, pas një lidhjeje që ka nisur që në vitin 2016. Vetë Eminem zbuloi shtatzëninë e vajzës përmes një videoklipi muzikor ku Hailie i dhuron një fanellë të Detroit Lions me mbishkrimin “Grandpa” dhe një sonogram të foshnjës. Tani, me ardhjen në jetë të Elliot, duket se “gjyshi Shady” ka një arsye më shumë për t’u emocionuar.
