Edona Reshitaj, e njohur për talentin e saj në muzikë dhe aktrim, ka zbuluar një detaj interesant nga një takim që pati me këngëtaren e famshme britanike me prejardhje shqiptare, Rita Ora. Në një intervistë të fundit, Reshitaj tregoi se si u ndje kur Rita iu përgjigj në shqip gjatë prezantimit të tyre.
“Ajo çka më ka befasuar shumë nga Rita Ora, këtë rast kur jemi takuar, ka qenë kur unë iu prezantova dhe ajo ma ktheu në shqip: ‘e di moj kush je’,” rrëfeu Edona. Më tej, ajo shtoi se Rita i tregoi se si nëna e saj, Vera, i dërgon videon e performancave të Edonës. “U habita në fakt, madje më tregoi që prindërit e saj, e kryesisht nëna e saj, Vera, i dërgon video të performancave të mia në muzikë e në aktrim,” ndau një pjesë të bisedës që ajo pati me Ritën.
Kjo tregon një lidhje të veçantë dhe një vlerësim të thellë ndërmjet dy artisteve të talentuara.
