Një grua me emrin Jamie Lee pretendoi se e kishte lindur këngëtaren në moshën 12-vjeçare në një padi të ngritur në maj, të siguruar nga “Daily Mail”.
Lee pretendoi se kishte hyrë në një “marrëveshje private adoptimi” me Billy Ray Cyrus-in dhe nënën e Miley Cyrus-it, Tess Cyrus, por pësoi një “krizë të rëndë emocionale”, sipas saj, babai i këngëtares i falsifikoi kushtet e marrëveshjes.
Sipas të njëjtit informacion, gruaja pretendoi se marrëveshja e bijësimit përcaktonte që asaj do t’i lejohej t’i jepte Miley-t emrin e saj dhe të punonte si dado dhe mësuese pianoje.
Jamie Lee akuzoi Billy Ray-n dhe Tees-in për “shkelje të kontratës, mashtrim dhe dredhi, shkaktim të qëllimshëm të shqetësimit emocional dhe ndërhyrje të paligjshme në të drejtat prindërore”.
Siç raporton, gjithashtu pretendoi se Billy Ray dhe ish-gruaja e tij i ndërprenë të gjitha kontaktet me të dhe “kërcënuan të telefononin policinë” pasi lindi Miley Cyrus, sipas një deklarate që ajo paraqiti në qershor
Lee kishte kërkuar testin e ADN-së së Miley dhe prindërve të saj, si dhe një shqyrtim të ligjshmërisë së birësimit të supozuar, varësisht nga rezultatet. Megjithatë, kërkesa e saj për një gjyq u refuzua në tetor.
“Gjykata e rrëzoi padinë dhe i dha Cyrus-it kompensimin e tarifave si edhe shpenzimeve të arsyeshme dhe të nevojshme të avokatit ”, thuhej në deklaratë.
Billy Ray dhe Tish kanë tre fëmijë së bashku: Miley, Brayson dhe Noah. Ish-çifti u divorcua në vitin 2022 pas gati 28 vjetësh martesë.