Dua Lipa dhe bashkëshorti i saj, aktori Callum Turner, janë parë në Palermo të Italisë, pak ditë para ceremonisë së dytë të dasmës së tyre, e cila pritet të shndërrohet në një festë madhështore me miq dhe familjarë.
Çifti u martua në një ceremoni intime më 31 maj në Londër, në Old Marylebone Town Hall, në prani të një rrethi të ngushtë familjarësh dhe miqsh. Pas ceremonisë private, ata janë nisur drejt Sicilisë, ku po organizojnë një festë disa ditore për të shënuar martesën e tyre.
Sipas raportimeve, festimet do të zhvillohen në disa prej lokacioneve më prestigjioze të Palermos, ndërsa në qytet janë parë edhe familjarë të afërt të këngëtares, përfshirë babanë dhe motrën e saj. Në listën e të ftuarve pritet të jenë emra të njohur nga muzika, moda dhe kinematografia.
Dua dhe Callum u lidhën për herë të parë në fillim të vitit 2024, ndërsa fejesën e konfirmuan në vitin 2025. Tashmë, pas martesës në Londër, çifti po kurorëzon dashurinë e tyre me një festë të veçantë në Itali.