Dredhëzat janë ndër frutat më të dashura të pranverës dhe verës. Të pasura me vitaminë C, antioksidantë, fibra dhe me përmbajtje të lartë uji, ato forcojnë imunitetin, përmirësojnë tretjen, ndihmojnë në uljen e kolesterolit dhe kanë efekte të dobishme për zemrën dhe lëkurën. Janë gjithashtu të lehta për t’u përfshirë në dieta për humbje peshe falë përmbajtjes së ulët kalorike.
Por për të përfituar nga vlerat e tyre, është shumë e rëndësishme të pastrohen në mënyrë të duhur:
Si t’i pastroni dredhëzat?
- Mos i laj para kohe! Nëse nuk do t’i konsumoni menjëherë, mos i laj pasi lagështia i prish më shpejt.
- Përdorni ujë të ftohtë: Vendosini në një tas me ujë të ftohtë dhe jo nën rubinet që i dëmton.
- Uthull për dezinfektim: Shtoni pak uthull të bardhë në ujë (rreth një lugë gjelle në një tas), për të larguar mikrobet dhe ndonjë insekt të vogël.
- Pastroni me kujdes: Lëvizini lehtë me dorë në ujë, pa ushtruar presion që të mos dëmtohen.
- Tharja: Nxirrini me kujdes dhe vendosini mbi letër kuzhine që të thahen mirë përpara konsumimit ose ruajtjes në frigorifer.
- Mos hiqni bishtin para larjes, pasi uji mund të hyjë brenda frutit dhe ta zbusë më shpejt.
Këshillë shtesë: Dredhëzat e freskëta janë më të mira për konsum të drejtpërdrejtë, për smoothie apo për ëmbëlsira të lehta verore. Kujdesi në ruajtje dhe pastrim është çelësi për të shijuar çdo kafshatë me shije dhe përfitim maksimal.