Një studim i publikuar në BMJ Oncology tregon një trend shqetësues: disa lloje kanceri, veçanërisht kanceri i zorrës së trashë dhe ai i vezoreve, po rriten ndjeshëm tek të rriturit nën moshën 50 vjeç. Studiuesit analizuan të dhëna për periudhën 2001–2019 dhe zbuluan se, ndonëse kanceri mbetet më i zakonshëm tek të moshuarit, disa forma po shtohen më shpejt tek të rinjtë një fenomen që nuk shpjegohet plotësisht nga faktorët klasikë të rrezikut.
Edhe pse mbipesha mbetet faktori kryesor, ajo nuk e shpjegon plotësisht këtë rritje. Faktorë të tjerë të mundshëm përfshijnë stilin e jetesës moderne, ushqimet e përpunuara, mungesën e aktivitetit fizik, ndotjen e ajrit dhe madje ndryshimet në mikrobiomën e zorrëve. Shkencëtarët theksojnë se nevojiten kërkime të mëtejshme për të kuptuar këtë trend, duke nënvizuar rëndësinë e diagnostikimit të hershëm dhe parandalimit edhe në moshë të re.