Një studim i ri nga USC Leonard Davis School of Gerontology sugjeron se Mediterranean diet mund të ndihmojë në ngadalësimin e plakjes përmes aktivizimit të proteinave të vogla brenda qelizave. Studiuesit zbuluan se personat që ndiqnin më shumë dietën mesdhetare kishin nivele më të larta të dy mikroproteinave, humanin dhe SHMOOSE, të cilat lidhen me mbrojtjen nga sëmundjet e zemrës dhe dëmtimet neurodegjenerative.
Dieta mesdhetare përfshin konsum të lartë të vajit të ullirit, peshkut, bishtajoreve, frutave dhe perimeve. Sipas studiuesve, këto ushqime ndikojnë drejtpërdrejt në funksionimin e mitokondrive “qendrave energjetike” të qelizave duke ulur stresin oksidativ që lidhet me plakjen dhe sëmundjet kronike.
Ekspertët besojnë se këto mikroproteina mund të përdoren në të ardhmen si biomarkues për të matur efektet pozitive të dietës mesdhetare në shëndet dhe jetëgjatësi.