Demi Lovato ka konfirmuar një surprizë të madhe për fansat e “Camp Rock”: ajo do të rikthehet si Mitchie Torres në filmin e tretë të shumëpritur. Paraqitja e saj do të jetë e shkurtër, në formën e një cameo-je, ndërsa Lovato është gjithashtu producente ekzekutive e projektit së bashku me Kevin, Joe dhe Nick Jonas.
Në “Camp Rock 3”, Jonas Brothers rikthehen si Connect 3, ndërsa historia zhvillohet vite pas ngjarjeve të filmit të dytë. Grupi kthehet në Camp Rock në kërkim të një artisti të ri që do t’i shoqërojë si hapje në turneun e tyre të ribashkimit. Kjo sjell një brez të ri personazhesh dhe rivalitete mes pjesëmarrësve të kampit.
Rikthimi i Lovato-s ka një domethënie të veçantë për fansat që e kanë ndjekur historinë që nga filmi i parë i vitit 2008. Ajo u shfaq gjithashtu së bashku me Jonas Brothers në premierën e filmit në Los Angeles më 10 gusht. “Camp Rock 3” premierë ka më 13 gusht në Disney Channel dhe një ditë më vonë në Disney+.