Demenca nuk është vetëm pasojë e pleqërisë apo e trashëgimisë gjenetike. Studimet e fundit tregojnë se faktorët rrezikues për zhvillimin e saj mund të fillojnë që në fëmijëri, madje edhe gjatë shtatzënisë. Mbi 60 milionë njerëz në botë jetojnë me këtë sëmundje, dhe çdo vit humbin jetën rreth 1.5 milionë persona.
Hulumtimet tregojnë se rreth 45% e rasteve mund të parandalohen nëse reduktohet ekspozimi ndaj faktorëve si mbipesha, mungesa e aktivitetit fizik, pirja e duhanit dhe tensioni i lartë. Deri më sot, përpjekjet janë përqendruar te parandalimi në moshën e mesme, por gjithnjë e më shumë dëshmi sugjerojnë se ndërhyrja duhet të fillojë shumë më herët – në fëmijëri dhe adoleshencë.
Shumë nga zakonet e dëmshme formohen herët dhe vazhdojnë në moshë madhore, duke e bërë më të vështirë ndryshimin më vonë. Madje, edhe funksioni i trurit në pleqëri lidhet shpesh me zhvillimin e hershëm mendor dhe kushtet në të cilat një individ është rritur.
Prandaj, ekspertët theksojnë rëndësinë e një qasjeje parandaluese gjatë gjithë jetës, përmes edukimit, mjedisit të shëndetshëm dhe politikave publike të mençura. Mesazhi kryesor: nuk është kurrë vonë – por asnjëherë herët – për të parandaluar demencën.