Aktori Cole Hauser ka zbuluar se xhirimet e serialit “Dutton Ranch”, vazhdimi i universit të “Yellowstone”, ishin dukshëm më sfiduese për shkak të mungesës së krijuesit Taylor Sheridan në sheshxhirim. Edhe pse Sheridan mbeti producent ekzekutiv, ai nuk ishte më i përfshirë drejtpërdrejt në procesin krijues si në projektet e mëparshme.
Hauser, i cili rikthen rolin e Rip Wheeler, pranoi se puna me skenaristë dhe regjisorë të rinj kërkoi përshtatje nga i gjithë ekipi. Megjithatë, ai theksoi se prania e bashkëshortes së tij në ekran, Kelly Reilly, aktorit të ri Finn Little dhe regjisores Christina Alexandra Voros ndihmoi në ruajtjen e frymës së serialit.
“Patjetër që pati sfida, por të gjithë punuan jashtëzakonisht shumë për ta bërë serialin sa më të mirë,” tha Hauser, duke shtuar se ekipi ishte i vendosur të ruante standardin që fansat presin nga universi Yellowstone.