Mënyra se si e fillojmë mëngjesin mund të ndikojë në nivelin e stresit gjatë gjithë ditës. Ekspertët rekomandojnë disa zakone të thjeshta që mund të praktikohen që në minutat e para pas zgjimit.
E para është zgjatja e trupit ende në shtrat, e shoqëruar me frymëmarrje të ngadaltë dhe të thellë. Kjo mund të ndihmojë trupin të relaksohet dhe të përgatitet më qetë për ditën.
E dyta është pirja e një gote me ujë sapo të zgjoheni, për të kompensuar lëngjet e humbura gjatë natës. Hidratimi i pamjaftueshëm lidhet edhe me nivele më të larta të kortizolit, hormonit të stresit.
Së fundi, krijoni një rutinë të qëndrueshme mëngjesi. Mund të jetë pak aktivitet fizik, rregullimi i shtratit… Një fillim i organizuar mund të ndihmojë që dita të nisë me më pak tension dhe më shumë qetësi.