Leonard Cohen u rikthye në muzikë në vitin 2001 me albumin “Ten New Songs”, pas disa vitesh të kaluara në qendrën budiste Mount Baldy, pranë Los Anxhelosit. I lodhur nga industria muzikore, kantautori kanadez ishte larguar nga jeta publike për të gjetur qetësi dhe ekuilibër të brendshëm.
Albumi u realizua në bashkëpunim me Sharon Robinson, e cila kontribuoi në muzikë, vokale dhe produksion. I regjistruar në mënyrë digjitale në garazhin e saj, në një atmosferë të qetë dhe pa presion, “Ten New Songs” shënoi një fillim të ri në krijimtarinë e Cohen.