Edhe pse është një nga regjisorët më të suksesshëm të Hollywood-it, Christopher Nolan vazhdon të jetojë pa telefon celular. Këtë e ka zbuluar Matt Damon, i cili tregon se regjisori ka një mënyrë krejt të pazakontë për të kontaktuar aktorët.
Sipas Damon, fillimisht aktorët marrin një mesazh nga bashkëshortja dhe partnerja e tij në produksion, Emma Thomas, e cila i paralajmëron se Nolan do t’i telefonojë. Pak më vonë, ai telefonon nga një numër i panjohur, zakonisht nga linjat e Universal Studios, pasi nuk përdor telefon personal, mesazhe apo email.
Damon tha se pikërisht në këtë mënyrë mori telefonatën për filmin “The Odyssey”, duke shtuar se në fillim mendoi se Nolan thjesht donte të bisedonin, derisa regjisori i propozoi rolin kryesor. Aktori e cilësoi këtë si një nga telefonatat më të rëndësishme të karrierës së tij