Aktori i njohur Christian Bale, i cili ka interpretuar role ikonike si në American Psycho dhe trilogjinë The Dark Knight, ka pranuar se ende ndjen keqardhje për pjesëmarrjen në muzikalin Newsies të vitit 1992. Në një intervistë për Movieline, ai tregoi se nuk kishte kuptuar që filmi ishte muzikal kur pranoi rolin. “Muzikalet nuk më kanë tërhequr kurrë. Në fillim mendova se mund të shmang pjesët muzikore, por më vonë e kuptova se nuk mund ta bëja këtë,” tha Bale.
Pavarësisht dështimit financiar të filmit dhe kritikave fillestare, Bale sot e sheh përvojën si një lloj edukimi. “Ishte një zgjedhje mes kolegjit dhe shkuarjes në Kaliforni për të xhiruar Newsies. Vendosa të bëj filmin dhe në fund, ishte një përvojë nga e cila mësova shumë,” përfundoi ai.