Christian Bale kishte mundësinë të bëhej pjesë e universit të “Star Wars”, pasi atij iu ofrua roli i Tobias Beckett në filmin “Solo: A Star Wars Story”. Edhe pse aktori britanik është fans i sagës që nga fëmijëria dhe e cilësoi ofertën si shumë joshëse, ai vendosi ta refuzonte. Roli përfundimisht iu dha Woody Harrelson, ndërsa Bale ka thënë se shpreson të ketë një tjetër mundësi për t’u përfshirë në një projekt të “Star Wars”.
Në vend të këtij filmi, Bale zgjodhi të interpretonte Dick Cheney në filmin “Vice” të Adam McKay, rol për të cilin mori një nominim për Oscar për aktorin më të mirë. Megjithatë, ai nuk e ka përjashtuar një bashkëpunim të ardhshëm me Lucasfilm, duke përmendur marrëdhënien e tij të gjatë profesionale me Kathleen Kennedy dhe Frank Marshall, që daton që nga filmi “Empire of the Sun”, i cili e bëri të njohur kur ishte ende fëmijë.