Edhe pse truri përbën vetëm 2% të peshës trupore, ai përdor mbi 20% të energjisë ditore. Neurologia Dr. Heder Sandison, pas nje studimi 15 vjeçar, rekomandon një dietë të pasur me nutrientë dhe të ulët në karbohidrate për të ruajtur shëndetin dhe funksionin e trurit. Kjo dietë stabilizon nivelet e sheqerit në gjak, duke parandaluar lodhjen, problemet me përqendrimin dhe dëmtimet në kujtesë. Ajo këshillon që së pari të konsumohen ushqime të pasura me yndyra dhe proteina, ndërsa karbohidratet të lihen në fund të vaktit.
Konsumimi i ëmbëlsirave në stomak bosh shkakton një rritje të shpejtë të sheqerit në gjak dhe më pas një ulje po aq të shpejtë, duke shkaktuar dobësi, irritim dhe dëshirë për ushqim të tepërt më vonë. Në afat të gjatë, këto luhatje rrisin rrezikun e rezistencës ndaj insulinës, diabetit dhe problemeve njohëse.
Nuk është e nevojshme të numërohet çdo gram karbohidratesh, por të jemi më të vetëdijshëm për sasinë dhe cilësinë e tyre. Zgjedhja e ushqimeve si avokado, kuinoa, sallata, arrat dhe frutat e kuqe mund të përmirësojë funksionet njohëse dhe të mbrojë nga dëmtimet afatgjata të trurit. Vetëm ky ndryshim në dietë mund të ulë inflamacionet, të sigurojë nutrientë esencialë për trurin dhe të përmirësojë kujtesën në mënyrë të ndjeshme.