Legjenda e rock-ut Bruce Springsteen u nderua me çmimin Ralph Ellison Award nga organizata amerikane për të drejtat civile ACLU, gjatë ceremonisë së zhvilluar në Washington, D.C., në vlerësim të kontributit të tij në mbrojtjen e të drejtave dhe lirive civile. Pas marrjes së çmimit, artisti u ngjit në skenë dhe interpretoi këngën “Streets of Minneapolis”, duke marrë duartrokitje të gjata nga të pranishmit.
Në fjalën e tij, Springsteen ia kushtoi vlerësimin qytetarëve që kanë mbrojtur të drejtat e njeriut dhe kanë luftuar për drejtësi sociale në komunitetet e tyre. Ceremonia u drejtua nga aktorja Laverne Cox, ndërsa mes të nderuarve ishte edhe ish-ylli i NFL-së, Colin Kaepernick, i cili u vlerësua për aktivizmin e tij në mbrojtje të të drejtave civile.