Ndeshja mes Shteteve të Bashkuara të Amerikës dhe Turqisë në Kupën e Botës 2026 nuk tërhoqi vëmendje vetëm për futbollin, por edhe për praninë e shumë emrave të njohur të Hollivudit dhe botës së argëtimit në tribunat e stadiumit në Los Anxhelos.
Mes të pranishmëve ishin Brad Pitt, i cili u pa duke mbështetur ekipin amerikan, Paris Hilton së bashku me bashkëshortin Carter Reum dhe dy fëmijët e tyre, si dhe aktorët Edward Norton, Will Ferrell, Alison Brie, Dave Franco, Joey King, Jessica Alba, Malin Akerman, Keegan-Michael Key dhe Lance Bass.
Ndeshja përfundoi me fitoren dramatike të Turqisë 3:2, falë golit të Kaan Ayhan në minutat shtesë. Megjithatë, pavarësisht humbjes, përfaqësuesja amerikane kishte siguruar tashmë kualifikimin në fazën e 1/32-ës së finales të Kupës së Botës.