Superylli i Hollywood-it Brad Pitt është parë duke mbërritur në Greqi së bashku me partneren e tij Ines de Ramón, në një vizitë që ka ndezur menjëherë spekulime në mediat ndërkombëtare.
Sipas raportimeve të fundit nga People.com, çifti u përpoq të qëndronte diskret gjatë uljes në aeroport, por prania e tyre nuk kaloi pa u vënë re.
Vizita e Pitt në Greqi lidhet me përgatitjet për projektin e tij të ri filmik, i cili pritet të nisë xhirimet në disa lokacione evropiane. Aktori 62-vjeçar vazhdon të jetë një nga figurat më të kërkuara në industrinë e filmit, ndërsa projekti i tij i fundit ka krijuar pritshmëri të larta.
Marrëdhënia mes Pitt dhe Ines de Ramón ka tërhequr vëmendjen e mediave që prej konfirmimit të lidhjes së tyre. Dyshja janë parë së bashku në evente të rëndësishme dhe mbrëmje private, por gjithmonë kanë ruajtur një profil të ulët publik.
Burime pranë çiftit thonë se lidhja e tyre po bëhet gjithnjë e më e qëndrueshme, ndërsa ata kalojnë kohë mes SHBA-së dhe Evropës.