Billie Eilish ka treguar se nuk ka plane të bëjë kirurgji estetike, duke thënë se është “e emocionuar të plaket natyrshëm”. Gjatë një interviste të fundit, këngëtarja u shpreh se dëshiron që fytyra dhe trupi i saj të ndryshojnë normalisht me kalimin e viteve, pa ndërhyrje artificiale.
Ajo shtoi se një nga arsyet kryesore janë fëmijët që dëshiron të ketë në të ardhmen, pasi dëshiron që ata ta shohin fytyrën e saj reale dhe të ngjajnë me të. Billie foli edhe për presionin që ndjejnë figurat publike për pamjen fizike, duke pranuar se komentet online për trupin e saj kanë qenë shpesh të vështira, por se sot ndihet më e sigurt në veten e saj dhe më pak e ndikuar nga opinionet e të tjerëve.