Kompania Mattel ka prezantuar për herë të parë një kukull Barbie me diabet tip 1, në bashkëpunim me organizatën globale Breakthrough T1D. Qëllimi i këtij modeli është të promovojë përfshirjen dhe të ndihmojë fëmijët të njihen më mirë me kushte mjekësore si diabeti.
Barbie e re mban një pajisje CGM (monitorues të vazhdueshëm të glukozës) në krah dhe një pompë insuline të vendosur në bel, ndërsa vesh një kostum blu të frymëzuar nga simbolika ndërkombëtare për ndërgjegjësimin për diabetin. Ky model shoqërohet edhe nga një Barbie e frymëzuar nga Lila Moss, e bija e supermodeles Kate Moss, e cila është diagnostikuar me diabet tip 1 në moshën 12-vjeçare. Ky është një tjetër hap përpara në përpjekjet e Mattel për të reflektuar më mirë diversitetin dhe realitetin e fëmijëve në mbarë botën.
