Edhe pse astma zakonisht nis në fëmijëri, shumë persona e zhvillojnë atë vetëm pas moshës madhore, kur simptomat bëhen më të forta dhe më të qëndrueshme. Shenjat kryesore përfshijnë vështirësinë në frymëmarrje, shtrëngimin në kraharor dhe kollën e thatë, të cilat shpesh ngatërrohen me lodhjen apo plakjen. Faktorët që rrisin rrezikun janë trashëgimia, duhanpirja, mbipesha, alergjitë dhe ekspozimi ndaj kimikateve ose pluhurit në ambientin e punës.
Diagnoza zakonisht vendoset me testin e frymëmarrjes (spirometrinë), ndërsa trajtimi te të rriturit shpesh kërkon kombinim të kortikosteroideve të thithura, ilaçeve mirëmbajtëse dhe terapisë biologjike. Ndërprerja e duhanit, shmangia e ndotjes së ajrit, aktiviteti fizik i moderuar dhe monitorimi i rregullt i simptomave ndihmojnë në mbajtjen nën kontroll të sëmundjes. Me plan të saktë trajtimi, shumica e të rriturve arrijnë të jetojnë normalisht dhe të menaxhojnë effektivisht astmën.