Artistja e njohur Ariana Grande ka treguar se si e ka menaxhuar stresin dhe sfidat që vijnë me famën, duke theksuar rëndësinë e terapisë psikologjike për t’u kujdesur për shëndetin mendor.
31-vjeçja ka arritur sukses të jashtëzakonshëm në karrierën e saj, por ajo e pranon se fama mund të jetë “thikë me dy tehe”.
“Kam qenë shume me fat që kam pasur miq dhe familjarë të jashtëzakonshëm si dhe psikologe të jashtëzakonshme. Ishte një periudhë e çmendur, gjithçka që doja ishte të këndoja dhe të vlerësohesha për punën time, por më dukej sikur sa më shumë që muzika ime bëhej e suksesshme, aq më shumë njerëz përpiqeshin të më shkatërronin”, ka thënë ajo në një intervistë për “The Hollywood Reporter”.