Adriana Lima, një nga supermodelet më të famshme në botë, sot feston 44-vjetorin e lindjes. Bukuroshja braziliane fitoi famë ndërkombëtare si një nga fytyrat kryesore të “Victoria’s Secret” dhe është renditur disa herë ndër modelet më të paguara në botë.
Ajo filloi karrierën e saj në moshën 15-vjeçare duke fituar konkursin “Ford Supermodel Brazil”, dhe më pas vazhdoi me sukses të jashtëzakonshëm në industrinë e modës. Në vitin 2012, sipas Forbes, ajo fitoi mbi 7.3 milionë dollarë brenda një viti. Adriana Lima është vlerësuar për përkushtimin dhe disiplinën e saj, si dhe për bukurinë ikonike që e bëri një figurë të dashur në botën e modës.