Përdorimi i chatbot-ëve të inteligjencës artificiale si ChatGPT, Grok apo Meta AI është rritur ndjeshëm, por studimet tregojnë se ato shpesh japin informacione të pasakta. Sipas analizave të BBC dhe Universitetit Columbia, në mbi 50% të rasteve janë identifikuar gabime faktike, citime të rreme dhe përmbajtje të shtrembëruar. Grok, për shembull, doli me përqindjen më të lartë të gabimeve – plot 94%.
Ekspertët paralajmërojnë se chatbot-ët nuk duhet të përdoren për verifikimin e fakteve, pasi shpesh mbështeten në burime të paqarta dhe krijojnë përgjigje konfuze apo të rreme. Ata rekomandojnë që informacionet e marra nga IA të krahasohen gjithmonë me burime të sigurta dhe të verifikuara për të shmangur përhapjen e dezinformimit.