Aran Murphy, djali 19-vjeçar i aktorit të njohur Cillian Murphy, tërhoqi vëmendjen gjatë premierës së serialit të ri të HBO-së, “Youth”. Pamja, zëri dhe sjellja e tij bënë që shumë përdorues në rrjetet sociale ta quanin një “kopje identike” të babait të tij.
Aran po ndjek hapat e fituesit të çmimit Oscar dhe tashmë ka nisur ta ndërtojë karrierën e tij si aktor. Ai debutoi në filmin “Lola” në vitin 2022 dhe është përfshirë edhe në serialin “WAR”, përkrah Sienna Miller dhe Dominic West.
Aktori i ri do të shfaqet gjithashtu në filmin “Klara and the Sun”, me Jenna Ortega dhe Amy Adams. Pavarësisht famës së Cillian Murphy-t, familja është përpjekur që Aran dhe vëllai i tij Malachy të rriten larg vëmendjes së tepërt publike.