Banania është një nga frutat më të njohura në botë, e pasur me vlera ushqyese dhe e preferuar për konsum të shpejtë. Megjithatë, sipas Shkollës së Shëndetit Publik të Harvardit, mënyra dhe koha e konsumimit mund të ndikojnë ndjeshëm në shëndetin tonë. Ekspertët rekomandojnë të shmanget konsumimi i bananes me stomakun bosh, për disa arsye kryesore:
Rreziqet e konsumimit të bananes me stomakun bosh
Rritje e menjëhershme e sheqerit në gjak – Banania përmban një sasi të lartë natyrale të sheqerit, dhe kur konsumohet me stomakun bosh, mund të shkaktojë rritje të menjëhershme të nivelit të glukozës, e ndjekur nga një rënie e shpejtë që shkakton lodhje dhe irritim.
Probleme me tretjen – Natyra e saj acidike mund të shkaktojë fryrje dhe shtim të aciditetit në stomak, duke sjellë parehati dhe nganjëherë edhe urth.
Humbja e ekuilibrit të mineraleve – Banania është e pasur me magnez dhe kalium, por konsumimi i saj pa ushqime të tjera mund të ndikojë në ekuilibrin e këtyre mineraleve në trup, duke ndikuar negativisht në funksionin e zemrës.
Si ta konsumoni bananen në mënyrë të shëndetshme?
Si pjesë e një vakti të balancuar – Mënyra më e mirë për ta konsumuar është pas mëngjesit ose si një vakt i lehtë gjatë ditës.
Në kombinim me proteina dhe fibra – Mund ta shoqëroni me kos grek, bollgur apo fara të ndryshme, për të ngadalësuar përthithjen e sheqerit dhe për të shmangur rreziqet që sjell konsumimi i saj vetëm.
Kufizoni sasinë – Një banane mesatare në ditë është sasia e rekomanduar për shumicën e njerëzve, ndërsa personat me diabet duhet të konsultohen me mjekun për mënyrën më të mirë të konsumimit.
Kombinimi i duhur i bananes me ushqime të tjera mund të ndihmojë në ruajtjen e niveleve të qëndrueshme të energjisë dhe të përmirësojë tretjen, duke shmangur efektet e padëshiruara.