Adhuruesit e videolojërave po numërojnë ditët deri te lansimi i Grand Theft Auto VI (GTA 6), një prej lojërave më të shumëpritura të viteve të fundit.
Kompania Rockstar Games ka konfirmuar se loja do të kërkojë deri në 212 GB hapësirë të lirë, një madhësi që mund t’i detyrojë shumë lojtarë të fshijnë lojëra të tjera nga konsolat e tyre.
GTA 6 do të dalë më 19 nëntor 2026, për PlayStation 5 dhe Xbox Series X/S. Shkarkimi paraprak ka filluar më 10 nëntor, duke u mundësuar atyre që e kanë porositur lojën ta instalojnë përpara lansimit zyrtar.
Ngjarja zhvillohet në shtetin imagjinar Leonida, të frymëzuar nga Florida, ku lojtarët do të eksplorojnë qytetin e famshëm Vice City dhe zona të tjera të mbushura me aktivitete, automjete dhe aventura.
Në qendër të historisë janë dy personazhe, Jason dhe Lucia, të cilët përfshihen në një botë krimi, rreziku dhe sfidash.
Me grafikë të avancuar, një botë të madhe virtuale dhe detaje realiste, GTA 6 pritet të jetë një nga lansimet më të rëndësishme në industrinë e videolojërave.