Këngëtarja e njohur Ariana Grande ka tërhequr vëmendjen e mediave me paraqitjen e saj të parë zyrtare në tapetin e kuq përkrah të dashurit, Ricky Alvarez, me të cilin ka rinisur lidhjen pas një dekade.
Çifti u shfaq së bashku më 11 nëntor, në premierën e filmit Focker-in-Law në Nju Jork, duke pozuar të përqafuar dhe duke shkëmbyer buzëqeshje e momente romantike para fotografëve.
Ariana, 33 vjeçe, kishte zgjedhur një fustan elegant me vija të bardha dhe gri, të zbukuruar me detaje lulesh, ndërsa Ricky, 35 vjeç, u paraqit me xhaketë të zezë, këmishë të bardhë dhe xhinse.
Historia e tyre e dashurisë nisi në vitin 2015, kur Alvarez ishte valltar në turneun e këngëtares. Ata u ndanë në vitin 2016, por dhjetë vjet më vonë duket se kanë vendosur t’i japin lidhjes një mundësi të dytë.
Thashethemet për ribashkimin nisën në qershor të këtij viti, ndërsa në gusht Ariana publikoi fotografi të përbashkëta në Instagram, duke konfirmuar romancën.
Madje, gjatë një koncerti në shtator, këngëtarja ndryshoi tekstin e hitit të saj Thank U, Next, duke lënë të kuptohet se dëshiron që Ricky të jetë dashuria e saj e fundit.
Paraqitja e fundit në tapetin e kuq është një tjetër dëshmi se çifti nuk po e fsheh më lidhjen.
