Kështjella Oheka, e njohur nga videoklipi “Blank Space” i Taylor Swift, ka gjetur blerës në ankandin e mbajtur në Nju-Jork. Shtatë ofertues konkurruan, ndërsa oferta fituese arriti në 72 milionë dollarë. Prona historike ndodhet në Long Island dhe ka 127 dhoma. Ankandi u organizua pas procedurës së falimentimit të pronarit të mëparshëm, Gary Melius.
E ndërtuar gjatë viteve 1914–1919 për financierin Otto Kahn, kështjella përfshin kopshte madhështore, 32 suita dhe një sallë të madhe ballosh. Ajo ka shërbyer edhe si skenë për serialet “Gossip Girl” dhe “Succession”, si dhe për dasma të personazheve të njohura.
Shitja ende pret konfirmimin e gjykatës së falimentimit, me seancën e planifikuar për 29 tetor.